Эхлэл » 2010 » 10-р сар » 21 » Замын цагдаад торгуулах АНХНЫ явган зорчигч хэн бэ?
4:07 AM Замын цагдаад торгуулах АНХНЫ явган зорчигч хэн бэ? |
Замын цагдаад торгуулах АНХНЫ явган зорчигч хэн бэ?
Гудамж замын хөдөлгөөнд оролцож байгаа явган зорчигч зөрчил гаргах юм
бол торгодог журам удахгүй хүчин төгөлдөр болох гэж байгаа тухай мэдээ
нүдэнд тусав. Төмөр хүлэгтэнгүүд л торгуулдаг цаг өнгөрөв бололтой.
Явган зорчигч зам хөндлөн гарахдаа гарцгүй газраар явдаг. Машины урдуур
гүйдэг. Улаан гэрэл асаж байсан ч машин нэлээн зайтай бол гүйгээд замын
цаана гарчих гэх мэт үзэгдэл түгээмэл. Машинтай хүмүүс явган зорчигчийг
торгох болсон шийдвэрийг талархан хүлээн авч байна. Харин явган зорчигч
нар наад шийдвэр чинь амьдралд биелэх нь юу л бол гэж эргэлзэнгүй
байдлаар хэлж байна лээ. Явган хүнийг замын хөдөлгөөний дүрэм зөрчих юм
бол наад зах нь 1000 төгрөгөөр торгох юм гэнэ лээ. Явган зорчигч удаа
дарааллан торгуулах юм бол явган явах эрхийг нь хасаж, замын цагдаагийн
газар эргүүлийнхээ машинаар хүссэн газар нь хүргэж өгч байх болно. Эсвэл
жолооны үнэмлэх, машин өгнө гээд л онигоо хүртэл зохиосон байна лээ.
Энэ бол ёжтой хүмүүсийн уран сэтгэлгээний үр дүнд бий болсон ардын аман
зохиол.
Замын хөдөлгөөн зөрчиж 1000 төгрөгөөр торгуулах АНХНЫ гэсэн
тодотголтой явган зорчигч хэн байх бол гэдэг л миний сонирхолыг татаад
байна. Явган зорчигч торгох болсон тухай мэдээг сайтнаас үзэж байхад
доог тохуу хийсэн өнгө аястай сэтгэгдэл нэлээн байна. Торгон гэвэл
зугатаачина даа. Хотоор дүүрэн хүн хөөсөн цагдаа гүйлдэх нь дээ. гэх
мэтээр. Согтуугаар машин жолоодохыг хориглодог. Тэгвэл согтуу хүн зам
хөндлөн гарахаар бол яах вэ? Би өнөө орой пабд сууж шар айраг ууж
байгаад харих санаатай. Согтуугаар зам хөндлөн гарвал хэдээр торгох уу
гэсэн сэтгэгдэлийг уншаад энэ хүмүүсийн толгой сайн ажиллаж байна шүү л
гэж бодлоо.
 Манай рекламнууд дээр дарж байгаарай. Баярлалаа
|
|
Англал: Таны мэдлэгт |
Үзсэн: 951 |
Нэмсэн: saak_penny
| Үнэлгээ: 0.0/0 |
|
