Эхлэл » 2009 » 12-р сар » 19 » Зул сарын баяр
|
Зул сарын баяр
Католик болон үнэн алдартны шашныхан зул сарын баярыг яагаад өөр өдөр
тэмдэглэдэг вэ? Григорианы хуанлиг мөрддөг Католик, Протестант
шашинтнууд 12 сарын 24-ээс 25-нд шилжих шөнө зул сарын баяраа
тэмдэглэдэг. Харин оросын үнэн алдартны шашныхан 1 сарын 7-нд зул сарын
баяраа хийдэг юм. Зул сарын баяр бол загалмайтны шашны хамгийн чухал
баярын нэг. Ромын сүм хийдийнхэн ойролцоогоор манай тооллын 320 оноос
эхлэн жил бүрийн 12 сарын 25-нд Христосыг мэндэлсэн өдрийг тэмдэглэх
болжээ. Оросын үнэн алдартны шашныхан зул сарын баярыг 13 хоногоор
хоцорч тэмдэглэдэг. Манай эриний өмнөх 46 онд Ромын эзэнт гүрний хаан
Юлия Цезарь 2-р сард нэг хоног нэмжээ. Ингэж Юлианы хуанли бий болсон
юм. Ромын хуучин он тоолол нь оновчтой байж чадаагүй тул илүү хоног нь
хуримтлагдсаар 128 жилд нэг өдөр нэмэгдэх болжээ. 16-р зуунд улаан
өндөгний баяр цаг хугацаанаасаа хамаагүй эрт тохиожээ. Иймд Ромын хамба
лам 13-р Григорий дахин хуанлид шинэчлэл хийжээ. Ингээд Юлианий хуанлиг
Григорианий хуанлигаар сольжээ. Ингэснээр хуанлийн болон огторгуйн
хэмжээсийн хооронд гарч байгаа ялгааг багасгах болжээ. 1582 оноос
Европт шинэ григорианий тоолол мөрдөж байхад Орост Юлияний хуанлиг
мөрдсөөр байв. Харин орост 1918 оноос Григорианий хуанлиг мөрдөж
эхэлсэн ч сүмийнхэн энэ шийдвэрийг хүлээн зөвшөөрөөгүй байна. 1923 оны
энэ өдөр үнэн алдартны шашны сүм хийдийн хамба лам нар зөвлөлгөөн хийж
Юлияний хуанлиг засах тухай шийдвэр гаргажээ. Оросын үнэн алдартны сүм
хийдийнхэн энэ хуралд оролцоогүй байна. Гэвч Оросын тухайн үеийн
тэргүүн хамба лам шинэ Юлианий хуанлид шилжих зарлиг гаргажээ. Гэвч
жирийн лам хуврагууд үүнийг эсэргүүцжээ. Сарын дараа оросын тэргүүн
хамба олны шахалтаар шийдвэрээ цуцалсан байна. 1 сарын 6 аас 7-нд
шилжих шөнө зул сарын баярыг Орос, Гүрж, Иерусалем, Серб, Афоны сүм
хийдийнхэн тэмдэглэдэг байна. 2800 оныг хүртэл зул сарын баяр
давхцахгүй. Харин 2800 оноос эхлэн зул сарын баярыг нэг өдөр
тэмдэглэдэг болох юм.
ТА БҮХЭН МИНИЙ ХӨДӨЛМӨРИЙГ ҮНЭЛЭН ДООРХ РЕКЛАМУУД ДЭЭР ДАРНА УУ БАЯРЛАЛАА.
|
|
Англал: Таны мэдлэгт |
Үзсэн: 1172 |
Нэмсэн: saakpenny
| Үнэлгээ: 0.0/0 |
|
