Эхлэл » 2009 » 12-р сар » 4 » Шенген хотын түүх.
9:06 PM Шенген хотын түүх. |
Люксембургийн Аугаа Гүнлэгт
Гэгээн Маркийн уул, Мюзель голын зүүн эрэг дагуу газар Шенген гэдэг
жижигхэн тосгон бий. Энэ газар бол Герман, Франц, Люксембург гээд 3
орны хилийн уулзвар газар юм. Мозеля голын нөгөө эрэгт нь Германы Саар
мужийн Перль комунна байдаг. Хажууханд нь Францын Лотаринги бүсийн
Мозель департаментийн Алаш гэдэг комунна бий. Хүрэл зэвсгийн үед
өнөөгийн Шенгений бүс нутагт хүн аж төрж байсан нь түүхийн баримтаар
нотлогдсон юм. Хамгийн анх Шенген гэдэг энэ газрын нэрийг 877 оны үеийн
түүхийн эх сурвалжид бичсэн байна. Харин өнөөдөр Шенген тосонд
ойролцоогоор 400 хүн аж төрдөг. Тосгоны иргэдийн орлогийн гол эх үүсвэр
нь усан үзмийн дарс хийх, борлуулах явдал. Энд усан үзэм тариалдаг 40
гаруй аж ахуй нэгж бий. Шенгенд ургасан усан үзмээр дэлхийн алдартай
Рислинг, Мозель, Риванер гэх мэт дарс хийдэг. Баруун европын орнуудаас
хамгийн хямдхан үнээр бензин борлуулдаг тул өөр газраас хүмүүс бензин
авахаар зорьж ирдэг. Шенгений хамгийн гол түүхийн дурсгалт барилга бол
1390 онд барьсан цайз юм. 1812 онд энэ цайз нурсан байна. Харин цайзын
цамхаг нь өнөөдрийг хүртэл анхны хэлбэрээрээ байгаа юм. Хожим цайзыг
сэргээн босгожээ. 1817 оны 9 сарын 13-нд Францын их зохиолч Виктор Гюго
энэ цайзад ирэхдээ зургийг зуржээ. Харин одоо энэ зураг Люксембургийн
улсын музейн сан хөмрөгт бий. 1939 онд гэгээн Елизаветийн гэлэнмаа нар
цайзыг мэдэлдээ авч, мөргөл, их хурал хийдэг болжээ. 1985 онд Европын
холбоог Люксембург улс даргалж байлаа. Энэ үед гурван улсын хилийн
уулзвар газар Шенген тосгонд иргэд харилцан чөлөөтэй зорчих, бараа
бүтээгдэхүүн, эд хөрөнгө хилийн хяналтгүй нэвтрүүлэх тухайг тунхаглал
батлах газар болгож сонгожээ. Энэ гэрээний ачаар Шенген тосгон дэлхийд
алдартай болжээ. Одоо Шенген гэдэг нэрийн доор хилийн дотоод хяналтгүй
иргэд нь харилцан зорчиж явдаг бүлэг орныг хэлэх болжээ. 1985 онд
Шенген тосгонд Европын музей байгуулагджээ.
ТА БҮХЭН МИНИЙ ХӨДӨЛМӨРИЙГ ҮНЭЛЭН ДООРХ РЕКЛАМУУД ДЭЭР ДАРНА УУ БАЯРЛАЛАА.
|
|
Англал: Таны мэдлэгт |
Үзсэн: 928 |
Нэмсэн: saakpenny
| Үнэлгээ: 0.0/0 |
|
