Эхлэл » 2009 » 12-р сар » 10 » Эйфелийн цамхаг
|
Эйфелийн цамхаг
Франц улс гэхээр Эйфелийн
цамхаг хамгийн түрүүнд бидний санаанд орж ирдэг. Тэгвэл улс орныхоо
бэлгэ тэмдэг болж чадсан энэ цамхагийг 1889 онд Парист болсон олон
улсын үзэсгэлэн яармагт зориулан бүтээжээ.
Цамхагийн зураг төслийг францийн инженер Александр Эйфель гаргаж, инженер Эмиль Нужье, Морис Кеклен, Стефан Совестр
нар хамтран бүтээжээ. Парисийн олон улсын үзэсгэлэнд зориулсан
уралдаанд 700 гаруй төсөл ирсэнээс Эйфелийн цамхаг ялагч нь болжээ.
Эйфелийн цамхагийг 1887 оны 1 сараас 1889 оны 3 сарын 30 хүртэл
барьжээ. Зөвхөн суурийг нь цутгахын тулд нэг жил хагас өнгөрсөн байна.
Харин ойролцоогоор 8 сарын дотор цамхагийг угсарсан байна. цамхагийг хийхэд 15 мянган
металл хэрэглэжээ. Эйфелийн цамхагийн нийт жин нь 10100 тонн. Цамхагийн
өндөр нь 313 метр. 1931 он хүртэл Эйфелийн цамхаг дэлхийн хамгийн өндөр
байгууламж байлаа. 1957 онд телевизийн нэвтрүүлэг дамжуулах хэрэгсэл
нэмж байрлуулснаар түүний өндөр нь 320 метр болжээ. Эйфелийн цамхагийг
бариж байгуулахад зориулан тусгай техник хэрэгсэл хийжээ. Энэ нь хожим
өндөр барилга барихад ашиглагдах болсон юм. Эйфелийн цамхаг нь хэд хэдэн тавцантай. Эхний тавцан нь 58 метрийн өндөрт, харин 2 дахь нь 115 метр, дараа нь 196, 276
метр, мөн 300.65 метрийн өндөрт тавцан бий. Цамхагийн орой дээр эргэн
тойрноо ажиглахад зориулсан тавцан бий. Эндээс хааш хаашаа 90 км газар
шууд харагддаг байна.
Эйфелийн
цамхагийн хамгийн дээд тавцан нь 1,7 метрийн диаметртэй. Энд том
гэрэлтүүлэг байдаг. Гэрэлтүүлэгийн цацраг нь 70 км-ын алсаас харагддаг:
Цамхагийн дээш гарах хэд хэдэн цахилгаан шат, мөн 1792 гишгүүртэй явган
шат бий. Эйфелийн цамхаг нь маш тогтвор сайтай.
Салхиний хурд нэмэгдэх үед цамхагийн орой 10-12 см хэртэй ганхдаг.
Эйфелитйн цамхаг дээр цахилгаан мэдээ дамжуулах холбооны хэрэгсэл,
физикчид хүндийн хүчийг судлах төв, радил телевизийн нэвтрүүлэг
дамжуулах хэрэгсэл болон ашиглагдаж байлаа. 20-р зууны 80-аад онд
Эйфелийн цамхагт их засвар хийж байлаа.
Эйфелийн
цамхаг дээр 10 мянган ширхэг дэнлүү асдаг. Томоохон баяр ёслолын үеэр
Эйфелийн цамхагийг гэрэлтүүлэгийг шинэчилдэг. Тухайлбал 2008 оны 7
сарын 1-ээс 12
сарын 31-хүртэл Эйфелийн цамхаг дээр Европын холбооны бэлгэ тэмдэг
бүхий гэрэлтүүлэг байжээ. Тухайн үед Европын холбоог Франц улс даргалж
байсан юм. 2004 оны 12 сарын 12-нд Эйфелийн цамхаг дээр мөн гулгуурын
талбай нээгдэж байлаа. Жилд 7 сая хүн Эйфелийн цамхаг дээр гардаг байна.
ТА БҮХЭН МИНИЙ ХӨДӨЛМӨРИЙГ ҮНЭЛЭН ДООРХ РЕКЛАМУУД ДЭЭР ДАРНА УУ БАЯРЛАЛАА.
|
|
Англал: Таны мэдлэгт |
Үзсэн: 2275 |
Нэмсэн: saakpenny
| Үнэлгээ: 0.0/0 |
|
