Эхлэл » 2010 » 3-р сар » 20 » Дэлхийн ноён оргил Эверестэд гарсан түүх
2:27 PM Дэлхийн ноён оргил Эверестэд гарсан түүх |
1953 оны 5 сарын 29-нд Дэлхийн хамгийн
өндөр цэг Эверест буюу Жомолунгма оргилд хүний хөлийн мөр гарсан байна.
Дэлхийн хамгийн өндөр цэгт авиралт хийсэн хүмүүс бол Шинэ Зеландын
уулын спортын тамирчин Эдмунд Хиллари, Балба улсын тамирчин Норгей
Тенцинг нар юм.Эверест (Жомолунгма) нь 8850 метрийн өндөр юм. 1999 онд
хиймэл дагуулын тусламжтайгаар дэлхийн хамгийн өндөр цэг Эверестийг
хэмжилт хийсэн юм. Эверестийн оргил нь Балба улс, БНХАУ ын өөртөө засах
орон Түвдийн хилийн зааг газар оршдог. Балба хэлээр Жомолунгма гэдэг үг
нь "Бурхадын ээж” гэсэн үг юм. 1850 онд Гималайн ууланд эрдэм
шинжилгээний ажил хийсэн эрдэмтэн Ж. Эверестийн нэрээр дэлхийн ноён
оргилийг нэрлэсэн байна. Гималайн уул нь Балба улсын Сагарматха гэдэг
үндэсний цэцэрлэгт хүрээлэнгийн нэг хэсэг гэж тооцогддог. Эверестийн
оргилд анх хүний мөр гарсанаас хойш өнөөг хүртэл ойролцоогоор 3300 хүн
авиралт хийсэн байна. Ууланд авиралт хийж байсан 200 тамирчин нас
баржээ. Эверестийн оргилд гарахын тулд байгаль цаг уурын маш хүнд
нөхцөлийг даван туулах шаардлагатай болдог. Эверестийн оргилд салхи 200
км/цаг хурдтай салхидаг. Шөнө агаарын хэм -60 хэм хүрдэг. Ууланд
авиралт хийсэн тамирчин дундажаар 10-15 кг турдаг байна. Гэсэн хэдий ч
дэлхийн хамгийн өндөр цэгт авирах гэсэн хүсэлтэй хүний тоо цөөнгүй. Жилд
20 мянган хүн Гималайн ууланд авирах, ядаж ойртон очих оролдлого хийдэг
байна. Гималайн ууланд авирах хүсэлтэй хүмүүсийн дотор алдар цууд хүрэх
гэсэн хүмүүс, шизофрени, чихрийн шижин өвчтэй хүмүүс ч байжээ. Бас
амьдралаас эрч хүч, шинэ мэдрэмж авах гэсэн баян чинээлэг хүмүүс ч
Гималайн уулыг зоридог. Ууланд авирах гэж хүссэн хүмүүсээс нутгийн оршин
суугчид чамлахааргүй мөнгө олдог. Ууланд хийх авиралт амжилтанд хүрэх
эсэх нь цаг агаарын байдал, тамирчины бэлтгэлээс шууд хамаардаг. 1982
онд ЗХУ –аас тамирчин Владимир Балыбердин, Эдуард Мысловский нар
Эверестийн оргилд гарч байжээ. Эверестийн оргилд гарсан хамгийн анхны
эмэгтэй нь Японы уулчин Дзюнко Табей юм. Энэ бүсгшүй ганцаараа 1976 онд
Эверестмийн оргилд гарсан байна. Эверестийн оргилд хамгийн олон удаа
авирсан хүн бол Апа Шерпе юм. Тэр 17 удаа дэлхийн дээвэрт гарчээ. 2008
оны 5 сарын 25-нд 76 настай Балбын иргэн Мин Бахадур Ширчан Эверестэд
гарсан байна. Эверестийн оргилд гарсан хамгийн залуу хүн бол 15 настай
Тембу Тшери юм. 1999 онд Балбын оршин суугч Бабу Шири Эверестийн оргил
дээр 21 цаг байжээ. 2001 онд АНУ ын хараагйү иргэн Эрик Вейхенмайер
Эврестэд авирч байлаа. 2000 онд Словений иргэн Даво Карничар анх удаа
Эверестийн оргиолоос цанаар буусан байна. 2001 онд Австрийн иргэн Штефан
Гатт Гималайн уулнаас сноубордоор, Францаас ирсэн гэр бүлийн хос
Бертран, Клер Бернье нар планере тандемаар доош буужээ.
Манай рекламнууд
дээр дарж байгаарай. Баярлалаа
|
|
Англал: Урлаг Спорт |
Үзсэн: 1786 |
Нэмсэн: saak_penny
| Үнэлгээ: 0.0/0 |
|
