Эхлэл » 2010 » 11-р сар » 16 » Шуман Роберт Александр
3:35 PM Шуман Роберт Александр |
Германы суут хөгжмийн зохиолч, хөгжим судлаач Роберт Александр Шуман (Robert Alexander Schumann)
1810 оны 6 сарын 8-нд Саксоний Цвиккау хотод төржээ. Түүний эцэг нь
зохиолч, хэвлэх үйлдвэрийн эзэн Август Шуман юм. 7 настай байхдаа Роберт
Александр Шуман төгөлдөр хуур хөгжмөөр хичээллэдэг болжээ. 12 настай
байхдаа тэрээр найрал хөгжмийн томоохон бүтээлээ туурвижээ.
Эцэг эх нь хүүгээ хуульч болгохыг мөрөөдөж
байлаа. Гэвч хүү нь эцэг эхийнхээ зөвлөгөөг дагасангүй. Харин төрөлхийн
авъяасаараа хоолоо олж иднэ гэж зүтгэв. 1828 онд Лейпцигийн их сургуульд
элсэв. Гэвч дараа жил нь Гейдельбергийн их сургууль руу шилсэн юм. 1830
онд хүүгийнхээ авъяасаараа өөрийгөө тэжээнэ гэдэг үзэл бодлыг нь ээж нь
хүлээн зөвшөөрөв. Үүний дараа тэр Лейпциг хотод эргэн ирж төгөлдөр
хуураар дахин хичээллэв. Лейпциг хотын алдартай хөгжимчин Фридрих Вика,
Генрих Дорна нарт шавь орж хөгжмийн боловсролоо гүнзгийрүүлжээ.Шуман
хөгжимд үнэн сэтгэлээсээ дурлаж, хамаг цагаа бэлтгэл, сургуулилтанд
зориулдаг байлаа. Хурууны булчинг сайжруулах зорилгоор механик хэрэгсэл
ашиглан дасгал хийж байхдаа Шуман гэмтэл авчээ. Ингээд мэргэжлийн
төгөлдөр хуурч болох мөрөөдлөө орхихоос өөр замгүй болов. Гэвч хөгжим
түүний зүрх сэтгэлийг соронз мэт татжээ. Шуман хөгжмийн зохиомжийг
судлах болов. 1834 онд Шуман "Шинэ хөгжмийн сэтгүүл” эрхлэн гаргах
болов. Энэ сэтгүүлдээ Шуман хөгжмийн ертөнцийн тухай өөрийн бичсэн
нийтлэл, өгүүлэлээ хэвлэж байв.1840 он Шуманы амьдралд том эргэлт авч
иржээ. Лейпцигийн их сургууль түүнд философийн ухааны доктор цол олгов.
1840 оны 9 сарын 12-нд Шуман багшийнхаа охин, нэрт төгөлдөр хуурч Клара
Виктэй гэрлэв. Клара Виктэй гэрлэсэн үедээ хайр сэтгэлийн тухай сэдвээр
маш олон аялгуу зохиов. Кларатай хайр сэтгэлийн холбоотой байхдаа 140
аялгуу зохиожээ. Роберт Александр Шуман, Клара нар 8 хүүхэдтэй өнөр
өтгөн гэр бүлжээ. 1843 оноос Шуман төрөлх хотынхоо хөгжмийн сургуульд
багшаар ажиллав. Эхнэрийнхээ хамт Европын орнуудаар аялан тоглолт
хийжээ. 1844 онд Шуманы гэр бүл Дрезден хотод ирлээ. Дрезден хотод
амьдрах болсон цагаас нь эхлэн түүнд сэтгэл мэдрэлийн өвчний шинж тэмдэг
илрэх болов. Хэт олон цагаар хөгжим тоглох,
аялгуу зохиохоор суух нь мэдрэлийг нь ядраасан байна. 1846 оноос Шуман
эдгэрч дахин хөгжмийн бүтээл туурвиж эхлэв. 1850 онд гэр бүлээрээ Дюссельдорф
хотод ирж найрал дууны хамтлагийн удирдаач болов. 1854 онд Шуманы өвчин
дахин сэдэрчээ. Үүний дараа тэр амиа хорлох оролдлого хийв. Гэр
бүлийнхэн нь Шуманг Бонн хотоос холгүй байдаг сэтгэл мэдрэлийн эмнэлэгт
хэвтүүлэв. 1856 оны 7 сарын 29-нд Шуман сэтгэл мэдрэлийн эмнэлэгт нас
баржээ. Шуман 1831 онд "Эрвээхэй”, 1835 онд " Багт наадам”, 1837 онд
Фантастик найраглал, 1838 онд Новеллета, 1837 онд "Найрал хөгжмийн
этюд”, 1948 онд "Залуу насны цомог” зэрэг томоохон бүтээл туурвисан
байна.
Манай рекламнууд дээр дарж байгаарай. Баярлалаа
|
|
Англал: Алдартай хүмүүс |
Үзсэн: 1237 |
Нэмсэн: saak_penny
| Үнэлгээ: 0.0/0 |
|
