Хөл бөмбөгийн "Рейнжерс” баг ИхБританий
төдийгүй Европын хамгийн ууган хөл бөмбөгийн баг бол Шотландаас
гаралтай «Рейнжерс» баг юм.Тус баг 1872 онд Глазго хотод байгуулагджээ.
Глазго хотод регби спортын "Рейнжерс” гэдэг баг байжээ. Иймээс хөл
бөмбөгийн яг ижил нэртэй баг байгуулах нь зүйтэй гэж шотландчууд үзсэн
байна. Зарим хүмүүс энэ багийн нэрийгн Глазго Рейнжерс гэж дуудах нь
бий. Гэтэл энэ нь буруу гэнэ. Албан ёсны нэр нь л "Рейнжерс”. Энэ хөл
бөмбөгийн багийн байгуулагдсан гэх өдөр нь 1873 оны 7 сарын 15.
Анхандаа энэ багт зүгээр л хөл бөмбөг сонирхогчид орж байлаа. Рейнжерс
багийнхан эхлээд Английн хөл бөмбөгийн холбоо, дараа нь Шотландын хөл
бөмбөгийн холбооны гишүүн болжээ. Рейнжерс багийнхан хамгийн анхны
тоглолтоо 1890 оны 8 сарын 16-нд "Харт оф Мидлотиан" багийнхантай
хийсэн байна. 1890 онд Рейнжерс баг мэргэжлийн клубын хэмжээнд хүрч
хөгжсөн байна. олон жилийн түүхтэй энэ баг ердөө 12 хүнийг
дасгалжуулагчаараа ажилуулсан байна. Энэ бол тус багийн нэг бахархал.
Рейнжерсийн анхны менежер нь Билл Струт байлаа. Түүнийг ажиллаж байх
хугацаанд хөл бөмбөгийн баг 18 удаа Шотландын аварга 10 удаа Шотландын
цомын эзэн, 2 удаа Шотландын лигийн цомыг авсан байна. Билл Струтын
дараа Рейнжерс багийн дасгалжуулагчаар Скотт Саймон (1954 1967), Дэвид
Уайт (1967 1969), Вильям Уоддел (1969 1972), Жок Уоллас (1972 1978,
1983 1986), Жон Грейг (1978 1983), Грэм Сунесс (1986 1991), Вальтер
Смит (1991 1997), Дик Адвокат (1998 2001) нар ажиллаж байлаа. 2001 оны
12 сарын 11-ээс Рейнжерс багийн дасгалжуулагчаар Алекс Маклиш ажиллав.
Харин 2006 оноос францын иргэн Поль Ле Гуэнл багийг удирдах болжээ.
Поль Ле Гуэнл тус багийг ердөө 6 сарын турш дасгалжуулсан юм. Энэ н
Рейнжерсийн түүхэн хамгийн богино хугацаатай ажилласан дасгалжуулагч
гэсэн тодотголтой үлджээ. Одоо энэ багийн дасгалжуулагчаар Уолтер Смит
ажиллаж байна. Рейнжерс багт Алан Мортон, Квентин Янг, Алекс
Макдональд, Б. Браун, Уоделл, Бакстер, Кэлдоу, Гендерсон, Барри
Фергюсон, Карлос Куэльяр, Алли Маккойст нарын алдартай тамирчид
тоглодог. Мөн энэ багт оросын хөл бөмбөгчин Шота Арвеладзе, Андрей
Канчельскис, Олег Кузнецов, Олег Саленко, Зураб Хизанишвили, Алексей
Михайличенко нар хүчин зүтгэж байлаа. Рейнжерс багийн эзэмшлийн
цэнгэлдэх хүрээлэн нь «Айброкс» юм. Рейнжерс багийн ерөнхийлөгч нь
Дэвид Мюррэй.
  Манай рекламнууд дээр дарж байгаарай. Баярлалаа
|
