ODKONO

1920 оны 12 сарын 6-нд Хятадын Нинся мужийн Хайюань гацааны орчимд рихтерийн шаталбараар 8,5 баллын хүчтэй газар хөдлөлт болжээ. Байгалийн гамшигийн үеэр 240 мянган хүн амь насаа алджээ. Гамшигийн дараа орон гэргүй болсон 20 мянган хүн өлсгөлөн, халдварт өвчнөөс болж нас барсан байна.

1927 оны 5 сарын 23-нд Гуаньсу мужийн Гуланг хотын орчимд рихтерийн шаталбараар 8 баллын хүчтэй газар хөдлөлт болж 200 мянган хүн үрэгджээ.

1932 оны 12 сарын 26-нд Ганьсу мужийн Чанма хотод рихтерийн шаталбараар 7,6 баллын хүчтэй газар хөдлөлт болж 70 мянган хүн үхсэн байна.

1966 оны 3 сарын 8, 3 сарын 22-нд Хэбэй мужийн Синтай хотод 6,7 балл, 7,2 баллын хүчтэй чичиргээ болж нийт 8064 хүн үхэж 38 мянган хүн шархадсан байна.

1970 оны 1 сарын 5-нд Юнань мужид рихтерийн шаталбараар 7,7 баллын газар хөдлөлт болж 15621 хүн үрэгдэж, 32431 хүн бэртэж гэмтсэн байна.

1976 оны 7 сарын 28-нд Хятадын түүхэнд хамгийн аймшигтай газар хөдлөлт болжээ. Газар хөдлөлтийн төв нь нийслэл Бээжингээс дорно зүгт 150 км-ын алсад байдаг Хэбэй мужийн Таншань хотын орчимд байлаа. Рихтерийн шаталбараар 7,9 баллын чичиргээ мэдрэгджээ. Таншань хот бүхэлдээ газрын хөрстэй тэгширчээ. 1979 онд Таншаны газар хөдлөлтийн үеэр 250 мянган хүн амь үрэгдсэн гэж мэдээлсэн байна. Гэвч Хонгконгийн сонин дээр Таншаны газар хөдлөлтийн үед 655 мянга 237 хүн үрэгдсэн гэж бичиж байлаа.

1999 оны 9 сарын 21-нд Тайваньд 7,6 баллын хүчтэй газар хөдлөлт болж 2295 хүн үхэж 8729 хүн бэртгэж гэмтсэн байна.

2003 оны 2 сарын 24-нд Шинжаанд рихтерийн шаталбараар 6,8 баллын хүчтэй газар хөдлөлт болжээ. Гамшигийн төв нь Киргизстантай хил залгаа Циаши тойрогт байлаа. Энэ гамшигийн үеэр 280 хүн үхэж 4000 хүн бэртсэн байна. Мөн 1000 орчим хүн ор сураггүй алга болжээ.

2005 оны 11 сарын 26-нд Зяньси мужийн Зюзян, Жуйчан хотод рихтерийн шаталбараар 5,7 баллын газар хөдлөлт болж 14 хүн үхэж, 377 хүн шархадсан байна. 8000 барилга байшин сүйдсэн байна.

2006 оны 7 сарын 22-нд Юнань мужийн Жаотун хотоос 90 км-ын алсад рихтерийн шаталбараар 5,1 баллын хүчтэй газар хөдлөлт болжээ. Газар хөдлөлтийн үеэр наад зах нь 13 хүн үхэж, 41 хүн бэртэж гэмтсэн байна. 56 байшин нуржээ.

2008 оны 3 сарын 23-нд хятадын Шинжаан-Уйгарын өөртөө засах орны Хэтянь гацааны орчимд 7,3 баллын газар хөдлөлт болжээ. Газрын чичиргээ зэргэлдээх хотод мэдрэгдсэн байна. Гамшигийн үеэр 500 байшин нурж, 20 мянган барилгад хана туурга нь цуурсан байна. нийт 70 мянган хүн хохирсон юм.